لا تقطفي. .بقلم الشاعر. .صبحي ياسين

نص عبيط
اللي يفكر نفسه
أراري
وبكره هيلعب بالملايين
اخرك ساعي ف مبني اداري
او ميكانيكي ب كام مليم
حلم قديم
اسأل دكة اولي حضانه
عن التعليم 
عن تفاصيلك ونت صغير
ونت منور
كان استاذك لما يقرر
يكتب  حاجه علي السبوره
كان بيقول للفصل بحاله
عارفين طفل الدكه الاولي؟
طفل عظيم
كنت تذاكر اول باول
بابا يقولك بس كفايه
كنت تقوله انا عمرو الاول
اعمل بس الصح معايا
هاتلي عصير
او شيكولاته وتكون جيرسي
حجم كبير
كنت مصاحب عيل زيك
بس خطير
كبر الحلم معاك ومعاه
دخلتوا الجامعه
عن احلام الشركه القابضه
والعربيه حكيتوا كتير
حلم كبيييير
كات اخرتها
ورشه عم الاسطي حماده
بتاع العفشه
بس حقيقه وبردوا هقولها
صاحبي الاول
أول ورشه
بس تعبنا من التخبيط
هو خلاص مات مالحسره
ونا والله نص عبيط
#عمرواللمعي