ألحق ...دول فتحوا الجنينة
و هجموا علينا ..
و كسروا القيود
و هربت الأسود و القرود
و الغزال ...
دمه سال ... ع الورود
و النسور ...فوق السحاب
و اليمام ... تحت التراب
و الكلاب و الديابة
راحوا دايسين على الغلابة
دنيا ...زى اى غابة ..
الخروف ..فى القطيع
شكله هادى .. ومُطيع
واما ياخد الاوامر
يقلب ندل و وَضيع
الحمار .. خد قرار
انه يعمل انفجار
كل حاجة ف انهيار
التعالب بالمخالب
المجازر . الحروب
بس فين الهروب
م المصير ...
كل وضع خطير
؟؟؟؟؟؟؟ # شريف ممدوح
