لا تقطفي. .بقلم الشاعر. .صبحي ياسين

قالت تعالى نبتسم
الفرحه ينفع تتقسم
بين القلوب بين الشفايف
بين مغرمين والعشق شايف
بين الحيطان
وسط الغيضان
حتي النخيل بالطرح فارد
من عرنوسين متجمعين
ضحكه شمال تسمع يمين
حلفين علي 30 يمين
ليكون دايما في ابتسام
اصل الكلام مفتاح قلوب
رفقه طريق تنعش دروب
محلاها قصه
مرصوصه رصه
في القلب ضحكه
بلسانا حاسه
منديل ب قويه
نساني ابويا
وملايه لفه
بالخصر حافه
والخطوه حالفه
تزلزل كياني
والضحكه منها
الله عليها
زي الربيع
تلمس ايدبها
تلقي النسايم هفهفت
والدمعه من العين اختفت
والسر كله في ابتسامه
لما يجمعنا اللقا
ولما تدعي بالسلامه
القلب يعشق والعشق ياما
يعمل عمايل في النفوس
يخلي قلب الليل فانوس
والضحكه واحده
سكتها واحده
و واحده واحده
نبقي كده بسمه لقا
تملى الفضا
ولما بيزورنا القضا
يتبقي منا ابتسامه
ذكرى وحاله
مليون علامه
يا ريت نعيش من غير ملامه
نبقي صحيح
واخدنا الريح
علي احلى نظره في الوجود
ضحكه ما بين طفلين امل
ضحكه شباب غاويين عمل
ضحكه شيوخ تمحي الزعل
ضحكه تلملم عصفوريين
هي انا
وانا ابقي مين
انا ضحكه منها بترتوي
وبتتحصد طول السنين
انا خدها
لما انام في نغزها
لما اطرز غزلها
ابقي انا سلطان زماني
ابقي انا مش حد تاني
ونبقي في عش لوحدنا
افطر انا بسمه غزل
بسمه د اطعم من العسل
لو بس ممكن تبتسم
يبقي الجمال حمرة خجل