إهداء إلى أحبتى كل عشاق الكلمة
.......... كل عام .............
كل عام ياصديق
وإنت للإبداع رفيق
دمت للإحساس مكان
والتميز ليك طريق
والمعانى بالكلام
من إيديك طارحين سلام
ياللى أُسلوبك تملى
فيه سلاسة ولِيه بريق
كله يتسابق وإنت
برضه سابق زى م إنت
فوق حصان الفكر راكب
ماحى لليل الغميق
قد شمس الكون وأكتر
فينا فنك شىء مأثر
يللى كنت ولسه رائد
منهج الحُر الجرىء
كل حرف وجملة منك
علمونا نعيشها زيك
بالتفائل والإيمان
مهما بينا الحال يضيق
# كريم شحات #
