قالي تعالي يا حبيبتى نبتسم
والفرحة بينا تترسم
على وش قمرة
والضحكة بينا تتقسم
عدى الجمايل يا حبيبتى
يالى ساكنة ف قلبى إنت.
ده الحمولة زادت اوي
جايلك ومعايا سفينتى.
اللى شايل فيها حلمنا
والشراع فوق سطحها ه يضمنا
ده كله بس لإننا
قررنا نعيش الحلم تانى
عرفنا ايه معنى الأمانى .
قالي تعالى يا حبيبتى
نغزل بكل الشوق
غطا نتغطى بيه
نهرب لدنيا تانية
فيها الفجر طالع
مادد
من وسط الضلمة إديه.
تعالي نداوي بالنور الجراح
نقول للظالم سماح
وان تهنا من تاني
نفتكر صوت الأدان كررى .
حى على الفلاح
حى على الفلاح
بقلمي
سلوى علي محمد
