لا تقطفي. .بقلم الشاعر. .صبحي ياسين

◀◀  عندى أحساس  ▶▶

شاعر ...
ايوه شاعر
ايوه عندى أحساس
ومشاعر
ايه يضيقيك ؟
أن أعبر بالحروف
هو ﻻزم أكون معروف
الفطاحل العظام والكبار
لما بدءوا كتبوا أيه؟
حد فاكر كانوا حايبقى ايه

ياللى بتوزن الكﻻم
حرف حرف
وبتنتبه
للفعل والنحو والصرف
انا مش حا أخاف
لما أغلط
انا مش حاكون الخليل
وأكتب كﻻم فى البحور
انا مين حا أكون
لو بفكر بالشكل ده
أكون مجنون
بس بحاول
أن أعبر عن مشاعرى
بأى شكل بأى لون

دور اللى فاهم
أنه يصحح
ياخد بأيد
اللى عايز أنه يوصل
لكن لﻷسف .
فى ناس بتحبطك
وتقف فى سكتك
عايزه تسكتك وتبعدك
وتبصلك أنت أيه
أنت فاكر نفسك شاعر
وقتها رد عليهم
وقولهم ايوه شاعر

الغلطة مش غلطتك
يمكن تكون غلطتى
أن استعجلت للوصول
واللى عايز يبقى شاعر
حاتلزمه قواعد وأصول
اللى عايز يوصل للنجاح
ﻻزم يكافح وما يخليش
حاجه تقف فى سكته
عشان يقدر يقول أنه شاعر
أنا كﻻمى أنتهى
ورسالتى وصلتها

كمال كرباش
فى 10 / 3 / 2016