صرخ القلم
وقالي اكتب
خد من دموعك مداد
واكتب على صفحتك
الحزينه بالون الحداد
اكتب عن حب عمرك
والفراق والعيشه بعاد
اكتب عن جراح زادت مع العناد
ارسم حياتك
خط طويل على رمل الشُطأن
ضحكه تمحيها امواج الاحزان
واتفرج على بكرى مكتوب بوهم ف فنجان
صادف بشر والقلب مارد من جان
اختار طريقك واعشق حلم اخره نسيان
توه في اراضيك وسط دروب ووديان
سجل في قراطيسك
وقول كنت عاشق ولهان
تروي حروفي العاشقين
بس انا دايما للحب عطشان
ارحل عن الدنيا تنساك الذكرى
لانك كنت قانط بقايا انسان
ياقلمي لوسالوك عني قول
كنت مخلص وقلبي بالحب متحني
كنت بعزف على جراحي وحروفي بتغني
لاعشته يوم ولايوم حبيب صاني
ليلي طويل ونهاري ملهوف مستني
لا حبيب جاني ولا فكر يوم يسال عني
رحل وانا وحيد خد قلبي وهجرني
الظنون ساكناني والزمن من حبي حرمني
قصص العاشقين دوايا لكن دوا بيألمني
انكتب عليا احب ولا اتحب ولا اعيش متهني
آه ياقلمي من قلبي لما احساسه يخوني
خلاص قتلت قلبي بايدي ولا اعيش للمستحيل مستني
بلغهم سلامي
واكتب على شاهد قبري
عاش بقلب متحني
