أيام ماكنا صغيرين
فاكره ولا نسيتي
أيام ماكنا صغيرين
عليا ليه آسيتي
وبقينا ليه متغربين
فاكره لما كنا نمشى
وإدينا متشبكين
ولا نسأل الخطاوى
وخدانا ع فين
أيام ما كنا صغيرين
الكل يشوفونا
عارفين أننا حبيبين
على الحب يحسدونا
وعلى الشوق والحنين
آه لما كنا صغيرين
كان الحب ف عيونا برئ
راسم أمل ع طول الطريق
والفرح مالى وشوشنا
ومين يقدر يحوشنا
واحنا ببعض متمسكين
لما كنا صغيرين
بحُبك وعدتيني
ليه بقا سبتيني
أعيش وحدي حزين
أرجع أعد الخطاوى
وعيوني مدمعين
واسأل الليالى
عليك انتِ فين
كل مكان بِكِ فكرني
ولايوم بعِدك غيرني
مهما فاتت سنين
لسه على وعدي باقى
أمتى هتشتاقي
ويردك الحنين
دموعي على أوراقي
بتسطر الأنين
لوكان العمر باقى
أتمنى أعيش عمرين
أيام ما كنا صغيرين
كلمات /
أحمد محمد
