معروض عليا دور ... اكون ديكور
جوه مسرح مهجور
مطلوب
اسيب ضميرى ... و اغش غيرى
واخبى نفسى ... بين السطور
معروض عليا ... ضحكة ... دبلانة ورا الستار
مقسوم عليا ... دمعة ... من سؤ الاختيار
بهرب من نفسى ممكن ... او بهرب من القرار
مفروض ف الصف أمشى .. ما أطلعش من الطابور
وأشوف العتمة و أهذى .. و أقول دا أمل و نور
معقول اسيب احلام .. جوايا ما تنتهيش
و أعيش كدا و السلام .. عشان أعرف أعيش
من وهم بعيشه دايما ... مليت ان م الطريق
و الفرح اقابله أحزن ... مادام مرهون بشئ
# شريف ممدوح
