لا تقطفي. .بقلم الشاعر. .صبحي ياسين

♡الحلم المصري♡

أبطال نعيش أبطال---هندافع عن أرضنا
و اللي يخون اليوم--- دا يبقا مش مننا
لازم يا مصري تفوق --- دي بلدنا دي  في قلبنا
و احنا عشانها ندوق --- و المر ما يهمنا
دي مصرنا--- حافظها ربنا --- لينا كلنا  كلنا كلنا
أنا و إنت و أخويا و إبني--- و كل الطلاب في الجامعه
إيدي في إيدك سوا نبني --- و نخلي بلدنا دي قلعه
فلاح في الغيط بيعمر --- بيزرع في الأرض السمره
عمره أبدا ما بقصر --- و بعرقوا بيروي الزرعه
دي مصرنا--- حافظها ربنا --- لينا كلنا  كلنا كلنا

عمال في المصنع تنتج --- جواها ضمير شغال
و ف لبس ولادنا بتنسج --- و الجوده دي تبقا خيال
عسكري معروف بكفاحه--- بيحرسنا من الأعداء
شايل على كتفه سلاحه --- لجل إحنا نعيش أمناء
دي مصرنا--- حافظها ربنا --- لينا كلنا  كلنا كلنا

و إمام في الجامع قدوه --- بيعلم كل الناس
و من القرأن و السنه --- دول أصل و هما أساس
دكتور و في قلب عيادته --- عامل كشف المجان
فاتح للناس كدا قلبه --- حالف يمحي الأحزان
دي مصرنا--- حافظها ربنا --- لينا كلنا  كلنا كلنا

أحلامنا دي تبقا كبيره --- لازم أيوا نحققها
و بلدنا دي مصر عظيمه --- لازم نحفظ أمجادها
لازم يا مصري تفوق --- دي بلدنا دي  في قلبنا
و احنا عشانها ندوق --- و المر ما يهمنا
دي مصرنا--- حافظها ربنا --- لينا كلنا  كلنا كلنا

#حسان_غانم

*اللحن مستوحى من لحن أوبريت الحلم العربي