قالوا عنى كتير كلام
قالوا دا جوز المدام
ايو انا ...جوز المدام
يعنى افسح يعنى ادلع
يعنى اقول احلى كلام
بس وقت الجد راجل
لما تغلط بنحاسبها
زى ما بدلع وادادى
حقى لازم اخد عادى
لما تتعب اخاف عليها
او اشوف حزن فى عنيها
هي دي أم ولادي
شايله عنى كتير حاجات
هى تغسل هى تطبخ
هى بتربى ولادى
والنبى خير الآنام
قالى فيها كتير كلام
هى سكنك هى ظلك
والرحمه بينك وبينها دى الاساس
وخلى بالك هى اختك
هى امك هى بنتك
حطها جو فى عنيك
بس حسن الاختيار
حطه دايما بين عنيك
امى قالتلى زمان
يابنى احسن الاختيار
دينها دا هو الاساس
خدها ساجده خدها راكعه
خدها يابنى بنت ناس
هى هتربى ولادك
هى للبيت الاساس
وبصى يابنت الاصول
هى كلمه هقولها ليكى
امى دى جوا فى عنيكى
هى سهرت هى تعبت
هى اللى جابتنى ليكى
ايوا انا جوز المدام
حسن ورداني
