رسالة حب مكتوبه
ومحفوظه هنا معايا
وكل حروفها مسلوبة
تصحى الذكرى جوايا
وترسم للأمل فرحة
نطقها القلب فى رواية
وكل ما ابص فى مرايا
ألاقى الصبر غيرنى
والاقى عنيا بتقوللى
بلاش حبك يسهرنى
بلاش الدمعة تملانى
ونار شوقك تحيرنى
سنين العمر بتعدى
ومحسوبه على الأنفاس
فى نفس السكة بتودى
وتسقينى مرار الكاس
وليه يا دنيا بتعاندى
لحد ما يدبل الإحساس
يا كل الناس .
أنا مش قادر أنساكى
بأى أساس
تغيب الضحكة وياكى
ولو غاب الفرح عنك
أنا معاكى .
ولو دنيتنا فارقتنا
أكيد الذكرى جواكى
ولو طال البعاد بنا
أنا عمرى ما هنساكى .
بقلم / أحمد حنفى
