لن يرد قلبى
ءءءءءءءءءءءء
وجدت اسمى
وبجوار اسمك مكتوب ندم
وجدت رساله تحت الباب
كتبتى فيها
مفضلش ليك غير الالم
مش هقول انك غلط
مش هاقولك ارجعيلى
اللى عملته غصب عنى
ومستحيل أقول عليه
انتى فاكره انى هربت
ولحبك انكرت
الحكايه مش هتعرفيها
ولا فيوم تتخيليها
ابوكى جانى ومعاه ورق
ورق العريس المنتظر
املاك كتير
وفلوس ملهاش نهايه ولا عدد
قالى كمان كلمتين
كلمه عن حالى
وعن ظروفى واحوالى
وجرحنى بكلمتين
قالى انت عندك اوضتين
ودولابك فيه هدمتين
وكلمه تانيه عن حالك
وعن البهدله اللى هتجرالك
ورثها يابنى ملايين كتير
والعريس اكتر بكتير
سيبها يابنى
وانا هاساعدك
بفلوس ووظيفه هايكونوا عندك
دمعت عينى ومشفهاش
قلت له سلام
ومعاك الامان
خلاص انا مسافر
ومن البلدى انا مهاجر
معرفش ازاى نسيت
انى انسان فقير
وغصب عنى والله حبيت
ودى ياناس حكايتى
مع انسانه بدل ماتكون بدايه
بقت نهايتى
ءءءءءءءءءءءءءء
بقلمى / محمد كشك
