لا تقطفي. .بقلم الشاعر. .صبحي ياسين

عايش دور الدوبلاج

ليه عايش دور الدوبلاج
وترخص نفسك ببلاش
مش يمكن ده مبيسواش
اللي بتتغير علشانه

عايش ليه كده بوشين
علشان غيرك مش راضيين
عيش الحد وموت الاتنين
بس تعيش يومك بجماله

اعمل ديما اللي تحبه
هتلاقي اللي يحبك عمله
لو كل واحد عاش بطبيعته
هنلاقي بعضينا ف ثانيه

عيش دنياك بمزاجك
وافتخر ديما بذاتك
عيش الدنيا بدماغك
هتلاقيها حاجه تانيه

ليه يكون جواك شخصين
واحد فرحان والتاني حزين
قلبي عندك يا مسكين
تايه مش عارف مين انت

مبقولش التغيير مش ممكن
بس يكون تغيير للاحسن
مش تكون حربايه بتتلون
علشان بس تعجب واحده

ليه عايش دور الدوبلاج
وترخص نفسك ببلاش
مش يمكن ده مبيسواش
اللي بتتغير علشانه
عايش دور الدوبلاج

خالدالمنصوري/شاعر المعادي
8/4/2016