... مالى ......
فى إيه مالى ؟
بقيت بغرابة أتصرف
كأنى بقيت واحد تانى
ومال حالى ؟
صبح ليه غير م انا أعرف
غريب عن قبل أحوالى
غريبة إيه حصل ليا
كأن النسمة مش هى
وكل الناس كمان مالها
بقت مليانة حنية
فى إيه مالهم ؟
وإيه مالى ؟
ومال الدنيا حليالى
ليه شاعر قلبى بيزقطط
كما عصفور طليق خالى
صحيح فرحان بدا التغير
لكن قلقان عشان دا كتير
على الشخص اللى عاش
معظم حياته عذاب
ف شب وشاب
مسسْتم نفسه ع الحرمان
يلاقى الكون ألب فجأة
بدون تفسير وغير أسباب
طبيعى إنه يستغرب
ويستعجب كمان وكمان
ويسأل نفسه كاسؤالى
فى إيه مالى؟
# كيمو #