خايفة ومش عارفة
ليه
أنا خايفة؟
يمكن عشان كل يوم شايفة
وشوش متلونة وشوش زايفة
وشوش
بتتلون كل يوم لون
وشوش
بتتقلب كل يوم وش
الكدب أصبح صنعتها
والغدر والغش
**********
نفوسها متشققة
ضمايرها متجزئة
لكن
أنا نفسي عمرها
م ه تعرف الغش
*************
مهما قابلت ديابة
متنكره ف صورة بشر
برده ه فضل أجمع
كل زهور الخير
من فوق الشجر
وحاول أزرعها
في. قلوب قاسية
زي الحجر
**********
ساعتها ه لاقي أكيد
فرحة ملمساني
وه يروح خوفي
وطفي نار قايدة
ف بركاني
الدنيا مش أنا وحدي
اللي عيشاها
دي فيها ناس
تانية ملزماني
من كلماتي
سلوى
