آه لو تشوف الموت ؟ ، أنا شوقته بعنيه
يخلى اجدع جدع زى الهدمة مرميه
لا فيها حركه ولاقيها قسوه ولا حتى حنيه
اتارى في لمح البصر تروح الروح عن الجسد وتغيب
ولا ينفع ساعتها دوا ولا ينفع كشف طبيب
ولا ينفع بكى أغراب ولا زعل و عويل حبيب
وزى ما جيت من بذره والبذره جت من عدم
ما تقدر تروح ولا تيجى ولا ترفع قدم عن قدم
وتلاقى نفسك في حال ما ينفع فيه الندم
أصل الحكاية بدايه ولازم لها من نهايه
وأوعى تفكر انك مخلد إلى مالا نهايه
واعلم يقين إن كل بدايه نهايتها جايه
