طال الليل
طال الليل ماطلعش نهار
طعم الحلو بقي الصبار
والامل اللي حلمت اوصله
كله طريق اشواك ومرار
سبت طموحي تكسر فيا
وتحير بالدمع عينيا.
علشان يوم ماوصل انساها
علشان كانت قاسيه عليا
شوفت معها الايام مره
كنت باشوفها لاول مره
اما حاولت اعيش جواها
فتحت لي الابواب من بره
طفت حتي شموع الفرح
رفضت تسمع اه من جرح
واما ف يوم حاولت تديني
ادت زرع وخدت الطرح
طال الليل
بقلم
خالد الكردي
