قصيدتي الفائزة بالمركز الأول فئة شعر العامية مسابقة بوح الصورة فى منتدى شعراء حروفهم على وجه القمر .... كل الشكر للقائمين على هذا الصرح العظيم
............
خاص بالمسابقة
شعر عامية
صورة من الذكريات
بقلمي/أحمد محمد الشريف
صورة من الذكريات
صورة من الذكريات
راسمها ف قلبي الحنين
وصوت مليان أهات
بيصرخ أنتى فين
كان بنا كتير حاجات
تاهت ويا السنين
مش باقى غير سكات
ومن القصة كلمتين
عاشق وحده بات
وسط الليل الحزين
بيبكي على اللى فات
وعيونه مدمعين
صورة من الذكريات
هى وحبة أسرار
عايشين فى قلب عاشق
وكانوا له تذكار
جواه الحزن راشق
وآلم ليل نهار
ليه الفراق سابق
خطاوينا فى المشوار
والفرح مش لاحق
يوصل لحد الدار
ياصبر أنا مش طايق
كفاية بقا أعذار
شبت فى قلبي حرايق
عزفت على الأوتار
ياصبر أنا مش طايق
بالصورة طفي النار
من المر كاسات دايق
ولسه جاى مرار
عليا الحزن مش لايق
ومش لاقي منه فرار
وسط أحزاني أنا فايق
وكاتب لها أشعار
صورة من الذكريات
عليها إسمي وإسمك
فاتت كتير أوقات
ما غيرت رسمك
ياساكنه مع الدقات
وعلى الإيدين وشمك
أنا لو بعيدت ساعات
فيها كنت ملازمك
لو قالوا نسيكى مرات
وفيها كان مخاصمك
قولى حبيبي مات
وشوفي غيري يقاسمك
صورة من الذكريات
بقلمي /أحمد محمد الشريف
