حبه صدق
حبه صدق يخشوا القلب
يتقوا الدم من الطغيان
زي ماكلمه ايوه ولاء
بتخدع ميت مليون انسان
ممكن اضحك لحظه ف وشك
وافضل شهر معاها اغشك
واما احب اقرب اكتر
يبقي باقرب علشان قرشك
سحره بيضوي كتير قدامي
وينور بالكدب كلامي
واما بيخلص كده من جيبك
باسبق وباغير عنواني
والبس وش يناسب غيرك
وسط الناس ماناكر خيرك
واتلون علشان مصلحتي
واشكك ف الخلق ضميرك
ماهو لما بافكر ف الدنيا
ابليس بيحليها ف ثاتيه
واما ضميري بيصحي وباعرف
بالقي الدنيا دي اصلا فانيه
حبه صدق
بقلم
خالد الكردي
