حكاية حب
========== عونى هشام
انا عايش مع الحكايات
حكايتى كلها نغمات
نغمه بنغمه فيها اهات
اعيش بيها واغنيها
--------------
اعيشها عزف بالجيتار
بلمستها احس بنار
اطفيها برحيق ازهار
ودقات قبلى ترويها
-----------------
معاكى كل يوم عيدى
ماهو انتى الدم فى وريدى
تغنى معايا وتعيدى
ومهما نعيد نزيد فيها
-------------
ونحكى اجمل الحكايات
ونرسم حب فى الروايات
نلاغى بعض بالهمسات
ونحفظ ايه معانيها
--------------
معانى الحب فى قلوبنا
زرعنا الورد على توبنا
دوبنا فى الغرام دوبنا
سقتنى الشهد بايديها
-----------
عشت معاها حلم جميل
سهرت معاها طول الليل
نغنى الحب بالمواويل
وعينى سارحه فى عنيها
-----------------
قلبى دق كام دقه
حنانها زاد فيه الرقه
رسمنا عشنا بدقه
وايدى ماسكه فى ايديها
----------------
عونى هشام
