*محتاجين*
محتاجين نفهم شويه مش كتير
خيفا لو فهمنا كتير
نطلع منها زعلانين
*******
محتاجين تطبطب علينا باديك اليمين
الشمال تعبنا منها كتير
محتاجين تبص جوه الزنازين
هتلاقى فيها البرئ ويا السكير
وقلوب كبيره متحطمه
وامانى شباب متبعثره
على ايد السجانين
محتاجين نظرت عداله يا كبير
دمار الشباب سهل
لكن
اصلاحه صعب كتير
*****
مش محتاجين سلاح وقوه
ولا عنف بره وجوه
ولا زرع عيون وبصاصين
جوه الجامعات
وفى الطرقات
وبين الشعب متخفين
نكنش احنا اسرائيل ومش عارفين
أما الضماير الميته
وللبلد متربصين
ومدمرين كل شىء فيها جميل
العيون عنها
عامله غفلانين
*****
محتاجين نضحك
والضحكه تكتمل
مش بعد كل ضحكه
نطلع على القفا مضروبين
*******
محتاجين اعلام نزيه
مش أعلام
وراه خفايا ومكايد
وكله تضليل وتزيف
بيلعب بعقول الشعب
لكن خلاص
الشعب وعى كتير
****
محتاجين نفهم ياكبير
احنا فى حقك غلطانين
ولا على الطريق السليم
خلاص بقه
كفايا علينا كدا تغفيل
*****
بقلمى سناء أبو طبل
2016/4/14
