لو موهوب
يالي كبيرك تمشي تزك
واما بتكتب حاجه بتعك
فاكر نفسك جهبز افندي
وانا ف كلامك دايما اشك
اكتب ع الدنيا واحوالها
عن مشكله خاصه بعمالها
وان ماقدرت تحط حلول
يبقي كفايه انك بتقولها
اكتب عن تعليم مجاني
حق عشانك حق عشاني
ملعون اي دروس خصوصيه
خربت بيت امي وخنقاني
عن معاشات بتروح ف ايجار
ندفعها كده باستمرار
واما الفكه اللي تفيض منها
ده لوفاض ماتكفي خضار
عن ادويه كتير مغشوشه
عن ارض بموبيدات مرشوشه
عن اموال تامين ف البورصه
عن منحه بتروح مهبوشه
لو موهوب اكتب وبراحتك
والناس راح يعجبها صراحتك
هتنافق وتجامل ابعد
وانا اسف لو كنت جرحتك
لوموهوب
بقلم
خالد الكردي
