انا السهر انة ما بين نجوم
هربانة من حلمى
بقالها سنين
تصدق
ولا تكدبنى؟
ولا تخلينى
راح أحلفلك ب ألف يمين؟
تاهت نجوم الحلم من إيدي
وسابت وراها
جوة القلب
آهات وحنين.
أكلم مين واحكي لمين
وانا التايهة ما بين نهرين.
حاولت كتير اوصل
لبر أمان
لقيت نفسى مرمية
على الشط
مفيش منى غير قلب
حاول ينبض
وراس مدفونة فى الطين.
رفعت الراس
وبصيت لرب السما العالي
دعيته من القلب
يا ريت انتو كمان
تدعو معايا تقولوا آمين.
بقلمي سلوى علي محمد
