لا تقطفي. .بقلم الشاعر. .صبحي ياسين

*
بان الربيع من خدودك
والورد فتح على عودك
والعندليب غنى الحانك
.
والعطر عدى حدوده
وحنانك غطى على سدوده
وقلبى عايش فى بستانك
.
ازاى اسافر بعيد عنك
ونبع الحنان منك
خبينى خبى فى احضانك
.
قلبى صبح ولهان
لما ورد خدك بان
وغنى الطير لهندامك
.
رجع خريفى ربيع تانى
وربيعك عطرلى وجدانى
ووهبت عمرى علشانك
.
حبيببتى تعالى لاحضانى
حبيبك من اللهفة بيعانى
ومشتاق للقرب وحنانك
.
ببسمة بهمسة يعدى الليل
واغنيلك كتير مواويل
وأعلى اللحن فى زمانك
.
تنادى والله اناجيلك
وانورلك قناديلك
واجيبلك معايا فستانك
.
ومهما كانت جروحى
علشانك ابيع روحى
وانا الحارس لاغصانك
.
وحبك طريق بيهدينى
والبسمة سلسبيل بيروينى
إنسى بقى احزانك
*
بقلمى فارس بلاجواد