لا تقطفي. .بقلم الشاعر. .صبحي ياسين

الشاعر المصري / احمد ابراهيم
* * * * * * * * * * * * * * *
فى قصيدة / ثمن الفراق
* * * * * * * * * * * *
عنك هغيب هبعد
واسيب انا حلمك
شاب الحنين والجرح
والجرح كان منك
يا صبية قمحية
شاب الأمل فيا
كداب سراب وعدك
مشتاق لحنيه
لكن حنان قلبك
غايب ومش ليا
طال الزمن بيا
متحني يا بهية
طار الحمام منك
واتهدت ألفية
مات الربيع فيكي
والشمس عنادية
يا صبية قمحية
ثمن الفراق قاسي
سيبك اكيد ماشي
ماشي ومش ناسي
كتبك فى كراسي
نقشك على قلبي
كرهاني حباني
فكراني نسياني
عشقك يا عنادية
مهما البعاد جارح
لسة الحنين طارح
برج الحمام عالي
راجع فى يوم راجع
وهتكمل ألفية
وهتلبسي الطرحه
نيل الحنين فرحه
بالشهد مرويه
ثمن الفراق قاسي
والله يا بهية
يا صبية عنادية
اه يا صبية عنادية
* * * * * * * * * *
بقلم الشاعر المصري / احمد ابراهيم