فين الايام دى؟؟؟؟؟؟؟؟
*******************
وأكتب ايه على أمة
خلاص غاب عنى مقيا سها
كلاب بتنام على غنوة
وناس مش لاقطة انفاسها
زمان كانت كلاب تحرس
صبحنا احناحراسها
ابوها الموضة لوخلّت
كلابهاتفوق على ناسها
قال ايه واحدة ف كلاب تحضن
وتانية الكلب قام باسها
راحت فين منّاتقاليدنا
ياامة ساسها بقى راسها
م كنّابجد كما اسرة
بتاكل من نتاج فاسها
وناس بتغنى ف حصيدها
وناس فرحانة بدْرَاسْها
وده جامع وفيه منبر
وديا كنيسة باجراسها
وفاطمة سامعة خطبتها
ومريم رايحة قدّاسها
ولو ياابنى عليك مرّت
ف يوم محتاجة فوق راسها
وبوس واديها امكانك
ولاتجرحش احساسها
وبنت ف حتتك ياابنى
بلاش توْرِدْ على كاسها
ولاحتى ف مدرستك
تشخبط يوم ف كراسها
وكانت هى م الحشمة
تملّى قافلة ترباسها
بجد اخلاقناسامحونى
ترابهاغطى على ماسها
