لا تقطفي. .بقلم الشاعر. .صبحي ياسين

*مصر دى أمى*
مصر ياأمى يا ست الكل
ياتاج راسى وعقد الفل
فيكى الناس أشكال والوان
ذى ماوصفك أستاذنا
لكن انتى يا أومى جنان
بنحبك حب بيوجعنى
نجى نضمك تبعدى عنا
ونمد ادينا تقطعها
طيب قولى نعمل ايه
نبعد عنك ولا نقرب
ولا عليكى نقف نتفرج
توهتينى ياست الحسن
حبك خلانى مجنون
كل شويه عاوز اثور
وانتى ما بتحبنى أثور
ثورتى عارمه وليها معنى
انك ليه قلبى وعقلى
فيكى حاجات عاوزه تتظبط
طيب قولى عليكى أطبطب
وأضحك عليكى الكل
اسمعينى ياست الكل
ابدا انا ليكى ماهضر
اذى أئذيكى وأنا انتى
أقولها صريحه ومن غير تزين
وضعك يا أمى مايسر
وترابك أتروى بالدم
والكل بينهش نهش
عاوز حته من التورتايه
ان شاله حتة كريزايه
ولسه انا لحضنك مستنى
يمكن يوم عليه تحنى
وبحبك والله يا امى
بقلمى سناء أبو طبل
2016/5/18