كتفوني غصب عني
خلوا قلبي يبان ضعيف
ببقى زي النخل واقف
بس عارف
انه جوه ف قلبه فاضي
ضاع شموخه يعني عادي
يبقى خاوي جدره ميت
يبقى اضعف من ضعيف
ايوه مانع
خلى نوري يبقى عتمه
او سجين والغربه حاكمه
ابقى من وجداني شايف
بس قلبي يبان كفيف
شئ مخيف
لما ابقى ليكي عاشق
والربيع ف عنيا يفرح
القى كل الدنيا جنه
فجأه شجر الذل يطرح
ولقى قلبي بدال مايفرح
يبقى قاسي ك الخريف
عيني تبكي قلبي يشكي
مهما اوصف مهما احكي
اه بشوف ف عنيكي شكي
بس اكدب فيكي ظني
واعمل اني شئ لطيف
بس لطفي فجأه يدبل
كل شكي قلبي يقبل
تجري دمعة عيني تنزف
مهما قلبي ليكي يحلف
الف مانع ....
وارجع اخلف وعد عايش ليكي فيا
مستحيل اصبح بطلها
والروايه وب ورقها
من لقاها ل يوم فراقها
لو تقيد فيها الحريقه
ف الحقيقه انا هبقى نارها
الف مانع...
يكفي واحد
يبقى روحي واحتضارها
آن اوانها وهعترفلك
الحكايه باختصارها
اني نفسي اشوف ف عينك
لو تبصي ف مره ليا
فيها صورتي او ملامحي
او محبه لروحي ديا
مش ملامحه تبقى ساكنه جوه عينك
والقى عينه ف نني عينك
جوه عينك من عيونك باصه ليا
الف مانع....... يكفي واحد
مستحيل راح تبقي ليا.....
#محمد_تيكو
الشاعر