بوحى قبل ما تنوحى
بوحى ب الجواكى
قبل مايجى يوم تنوحى
وفى سكوتك يبق هلاكك
ولا حد يسمع فى يوم صوتك
وتموت الكلمه والصرخه
فى وقت البوح فيه ممنوع
...........................
بوحى قبل ما تنوحى
قولى ايه ال فى صدرك
وال قافله عليه قلبك
بترابيس وأقفال هتصدى
ويوم ورا يوم هيعدى
والكلمه باينه فى عنيكى
ولسانك منها خجلان
أمتى يحس بالأمان
ويلاقى القلب مفتوح
...........................
بوحى قبل ما تنوحى
بتعدى أيام وسنين
وبيمر الليل طويل
والساعه خايفه تمشى
حتى الحلم ال جوانا
بيسبب ألم كتير
.........................
بوحى قبل ما تنوحى
فاكره القاعده لوحدى راحه
وفكرى تعبنى كتير بصراحه
سبب خوفى من بكره الجاى
فكرى عامل ذى طوفان
مش بيحدد
مين هيغرق ولا هيدمر
ولا حتى يبعد مين عن التيار
أه لو جه الطوفان
كله معاه هيكون
غرقان
...............
بقلمى سناء أبو طبل
2016/4/21