لا تقطفي. .بقلم الشاعر. .صبحي ياسين

طرح المطارح
كلمات /رضا أبو الغيط
*********************
طارح طرح المطارح
وأنياب فوق التراب
والناب صياد وجارح
طارح كل الرقاب
يا زمان وعامل لي فالح
فين نهرب م الضباب
الكاس بقي طعمه مالح
لونه... لون الخراب
ف العتمه الكل رايح
ودي سكة العذاب
أغراب سا كنين مسارح
ونجوم زي السراب
الساقط منها ناجح
والناجح شعره شاب
ف زمان فيه الدبايح
علت شأن الغراب
وقصايد المدايح
مكتوبه للي خاب
يا زمان ازاي أسامح
مكر وغدر الذئاب
والعمر انا عشته فاتح
للكل ف قلبي باب
ما شوفتش غير مذابح
وتراب بيشيل تراب
ووشوش كده لونها كالح
وعذاب يولد عذاب
يا زمان العمر رامح
والرمح لقلبي صاب
طفي لون الفواتح
عكر صفو السحاب
حتي كل الجوارح
ناسيه يوم الحساب

*********************