****** مش انت يا قلبى ******
اللى تتحير
♡
مش انت يا قلبى اللى تتحير
مش هو ده اللى يجرحك
ولا هو ده اللى يفرحك
انساه وحاول تتغير
مش انت اللى تسهر طول الليل
بين آه وحيره وظلم وويل
وتشتكى منه لقمر الليل
وتحلم بماضى عدا وفات
وتوجعك وتألمك الذكريات
مش انت يا قلبى
اللى تتحير
♡
مش انت يا قلبى اللى اخترت
سلمتله وامنتله
وعانتنى وقررت
أشرب دوق من هجره
خاليك لسه فاكره
خلاص انا اتغيرت
مش حافضل واقف مكانى
من هنا قفلت باب احزانى
من هنا غيرت حياتى
وعنوانى
من هنا هات اللى عندك
يازمانى
مش انت يا قلبى
اللى تتحير
♡
إنسان مات فيه
الإحساس
إنسان ماعندوش
اخلاص
بيهد كل اللى بانيته
مش عارف ليه
يا قلبى
حبيته
♡
و
♡الغدر♡
الغدر كان فى عنيه
باين
الله يسامحه انسان
خاين
نسى وعوده وجرح
وراح
خد معاه كل
الأفراح
وسابك حزين
غرقان
فى
جراح
مش انت يا قلبى
اللى تتحير
***
♡
الشاعر / إسلام السيد حسن السيد سالم عامر
أوجاع / مملكة الأحزان
إسلام عامر
