لا تقطفي. .بقلم الشاعر. .صبحي ياسين

السنين نفس السنين
والسعات هى الساعات
جايه ليه تقولى حنين
قطر الحنين عدا وفات
إشربى كاس الأنين
الحنين بقه ذكريات

إحصدى ثمرة خداعك
إشربى كاس المرار
قلبى عمره مالحظه باعك
وإنتى فى إيديكى القرار

رجعى تانى السنين
رجعى عمرى إللى راح
يمكن تلاقى فيه حنين
إتولد بعد الجراح

والشهور نفس الشهور
والسعات هى السعات
قلبى خلاص سكن القبور
إزاى يعيش بعد الممات
إزاى نقول ع الضلمه نور
إرحلى كده من سكات

===============
كلمات الشاعر الغنائى عيسى عبد الرؤوف