خالد : طيب
منى : مالك يا حبيبى
خالد : منى انا سبت الشغل ها ها
منى : يا خبر اسود والعمل اية دلوقت والاقساط الى علينا هنعمل فيها اية والجمعية الى دخلنها هنصرف ازاى
خالد : اسكتى حرام عليكى خلينى اعرف افكر مخى هيتشل
منى : اية ده انت عندك مخ
خالد : اه لية
منى : طب ما تجيب كيلو نتغدى بية
خالد : انتى هتهزرى بقولت سبت الشغل
منى :ومين فيكم الى زعل التانى يعنى مين الغلطان
خالد : دى طلبة معاكى بقى روقان
منى ( اشرب يا جميل )
منى : طب مفيش غير حل واحد بقى
خالد : واية هو الحقينى ابوس ايدك
منى : بوس ده يوم المنى
خالد : ياستى قولى بقى والنبى
منى : انى اقبل الشغل المعروض علية لحد لم ربنا يفرجها
خالد : لا طبعا استحالة انتى بتتلككى على فكرة
منى : اه صح مين الى قالك
خالد : والله عرفت لوحدى مجهود زاتى
منى : طب نحسبها بالعقل الالتزمات الى ورانا دى مين هيسدها
خالد : استنى اجيب اله حاسبة
منى : بقول بالعقل
خالد : وده نجيبة منين دلوقت
وبعد مرور وقت استطاعت منى ان تقنع خالد بضرورة خروجها للعمل
كانت منى تخرج الى العمل وعند عودتها الى البيت تتشاجر مع خالد
خالد : شرفتى يا هانم
منى : اه يا حبيبى وهلكانة على الاخر
خالد : انا ميت من الجوع
منى : لية ان شاء الله هو انت معملتش اكل
خالد : لا
منى : امال كنت بتعمل اية يا بية طول انهار طبعا تلقيك كنت بترغى مع صحابك او قاعد قدام التليفزيون وانا شقيانة وتعبانة بجيب لك الفلوس
خالد : انا هنا الراجل وانى الى تخدمينى
منى وقد اخرجت من حقيبتها المرتب
منى : طب بقى خلى الفلوس لية وبلاها شغل واطلع اشتغل يا حبيبى وانا هستناك واحضر لك الحمام
خالد واخد اخذ الفلوس من يدها وقام بعدها
: حالا يا حبيبتى والحمام يكون جاهز والغدة استريحى يماما متتعبيش نفسك
جهز خالد الغداء بينما كانت منى تاخذ حمام وتغير ملابسها
منى : الاكل عاوز ملح يا بية
خالد : معلش ياحبيبتى المرة الجاية اظبته
منى : عيشة تسد النفس انا داخلة انام مش عاوزة هيسة
خالد : امرك يا حبيبتى
منى : مش جاى
خالد : لا انا هسمع التليفزيون
منى : وطى الصوت على قدك
خالد : حاضر ياحبيتى
خلدت منى الى النوم الى ان ايقظها صوت الجرس
منى : انت يا بية افتح الباب راح فين ده كمان كل حاجة لازم اعملها بنفسى والله لوريك
قامت منا بفتح الباب
خالد : ساعة ياهانم عشان تفتحى كنتى فين طبعا نايمة على ودنك متلقيكى كنتى بترغى مع صحابك فى التليفون ولا بتفرجى على التليفزيون
منى : انت كنت فين يابية
خالد : نعم ياختى كنت فى الشغل غورى من وشى حضرى لية الحمام والغده بسرعة
فركت منى عيناها بقوة
منى : يا نهار اسود هو كان حلم ياريتى ما صحيت