يارب نفهم
********
حقيقى شعب بيحاول
يقضّى وقته ف كلامه
عن اللى كان اميرعصره
ومين كان يومهاخدّامه
ومين انجيله كان عشقه
ومين هايم باســـــلامه
ومين شربه رحيق زمزم
ومين ضارب ف برشامه
ومين ف الفن ليه مغزى
ومين هادم ف افلامه
ومين ف الحتّة بيسيطر
ومين راح يجرى قدّامه
ومين خد درعه ف الدورى
ومين جامل ف حكامه
وكله ف الكلام شايف
بأنه ف مسجده أمامُه
كأنه للحوار قائد
وماسك حضرته زمامه
وليه ميكونش مبدأنا
نخلى لنطقنا لجامه
نناقض بعضنا لكن
نسيب الامرلأعلامه
اديب يفتينا ف المعنى
طبيب ف القلب وصمامه
محامى يقلى عن مادة
عن المجرم واجرامه
مدرس احكى عن فصلك
عن التلميذ وأقلامه
لكن ياخسارة اغلبنا
بايده بيكتب اعدامه
شايف انه ولو عافية
بداية الامر وختامه
ياسر التونى
