صـــــدفه
========(غنائيه)
قابلتك صدفه فى تعارف
بقيت تايه ومش عارف
اروح ارسم اكون خايف
اروح اكتب مانيش شايف
عشان صورتك دى جوه العين
------
اجمع كل افكارى
واخبيكى ف اسرارى
ازين بالفرح دارى
واكون تايه ومش دارى
هاقبلك بكرا ؟ امتى وفين ؟
-----------
نسيت اسأل على اسمك
لكن عينى فيها رسمك
وصوتك عندى مع همسك
لو شفتك اكيد هامسك
ف دباديبك ..واقولك م الحروف حرفين
---------
شغلتينى وشغلانى
طول ليلى ف وجدانى
مين مجنى ومين جانى
ياريت الصدفه تيجى تانى
واقول لك انتى نور العين
-----------
دى صدفه جاتنى فى منامى
عشت معاها ايامى
نسيت وياها الامى
صورتها ف خلفى وامامى
ياريت الحلم دام بسنين
=============
#عونى_هشام