سجال ثلاثى بين
عونى هشام
والمبدع مجدى سرحان
والمبدع مصطفى تيسير
=============
عجبى عليك يا زمن
الناس معاك ببلاش
الكل لابس كفن
بقماشه ما تسواش
لا حد فيك له تمن
ولا ظلم فيك اتحاش
دايما نشيل المحن
والحق لسه ما جاش
فى ناس بتسرق وطن
وغلابه تدفع كاش
وناس ماليها العفن
تهريك شتيمه ببلاش
---- وعجبى
--------
#عونى_هشام
========
-------- ---مجدى سرحان
عندى ياناس الكفن
للى يروح مايجيش
لحكومه صابها العفن
ورجعنا للطرابيش
دا إللى هان الوطن
ووعدوه لقمة عيش
وريحته فيها العطن
من كتر لبس الخيش
كوم الزبالة على
نتلم حوليها
يامين يفرقنا
الفقر كون جيش
لم اللقم احلام
الجوع يناديها
قال للحياه تجمعنا
محنش خفافيش
ياللى انت حاكم أمرنا
أنصت لنا واسمع
والا احنا من غلبنا
حانعيش على التهميش
مش دى رسالتك بقى
توصلونا لدين
يرضى الإله ربنا
ونبقا ناس حلوين
ولا انت طبعك كده
زى الشباب فى الطيش
واللى يكون فى المسا
عالصبح يبقى مفيش
--- مجدى سرحان
===========
---------------- عونى هشام
طبع الشباب الطيش
قلنا هنا ومالو
لكن نعيش تهميش
يبقى الكبار مالو
لو عدنا للطرابيش
ابوزيد يكون خالو
ايامها مافى دين
ولا قرض زاد مالو
كل اللى مالوا هنا
شوف حالنا من حالو
كوم زباله لمنا
فيه لقمه لعيالوا
فرس شرد مننا
ملقيتش خيالوا
لجامه جا ف حلقنا
ولا كانش على بالوا
لو كنت حاسس بنا
للوزن كيالوا
ميزان ما هيغشنا
لو كفتين مالوا
اللى يعيش فقرنا
تبقى امه دعيالو
اوع تقرب
-------
#عونى_هشام
============
-------- مجدى سرحان
الحكايه م البدايه
ماتنحكاش
النهايه بقول ياقاسي
ماتتغباش
دالحقوق فيها حق ولدى
مايتنساش
الكلام فوق صفحه سوده
ماينقراش
الل عانا وعاش اعانه
مات ماعاش
والمعونه تروح كروش
ما بتتملاش
اللى يسرق رزق غيره
ما استحاش
==========
--------- عونى هشام
قلنا مافيه الكفايه
ولسه ياما ما اتقراش
واللى كفا زاد ووفا
ماحد قال ما فهمتاش
وكله ماشى يقول يانفسى
بس نٓفسى ع المعاش
#عون_هشام
===============
-------------- مصطفى تيسير
و كأني ما عشتش علي أرضك
و كأني الكافر بوجودك
و لا كونتش حارس يوم عرضك
و كأني مفرط فـ حدودك
إنسان و إتعود ع التهميش
داير فـ طاحونة أكل العيش
و كأني سراب و كأني مافيش
يا بهية إتغطي ما تتعريش
و لا إنتي يا حلوة ما تتكسفش
فتافيتك حتي ما بتكفيش
و لا إنتي عيونك معصوبة
حدفتي عيالك بالطوبة
يا بهية خلاص نظرك شيش بيش
أنا رافض أظهر في تاريخك
بين ناس بتزيف كل تاريخ
الكوسة بتحضن بطيخك
و كأننا عايشين فـ المريخ
جمعتي الأحلام فـ الكورة
مجدتي يا حلوة الرقاصة
و عملتي البلطجي أسطورة
مش لاقي علوم فـ الكراسة
أنا نفسي أعيشك و أتهنى
و أدوب فـ ترابك و أتحنى
دا الدنيا فـ بعدك ما تساوي
و في قربك أنا بلقى الجنه
---- مصطفى تيسير
===•===========
اجمل الامنيات بقضاء وقت ممتع
عونى هشام- مجدى سرحان - مصطفى تيسير
