مسلسل انت وحظك
الحلقة الثانية
الزوجة المسرفة
كان يبحث طلعت فى جميع ارجاء الغرفة عن الماال الذى وضعة بالدولاب امس وكاد ان يجن جنونه
طلعت : انا هتجن راحوا فين انا حاطتهم بيدى انبارح اية الارض انشقت وبلعته
فى احد المحلات الفخمة كانت تتجول زوجة طلعت وتنتقى اجمل الفساتين واغلاها وتشتريها وهكذا الحال فى محلات الاحذية والشنط والاكسسورات وما ان انتهت من صرف جميع المال حتى عادت الى البيت
وبينما كان يبحث فى الغرفة وجعل عليها اسفلها اذا بهالة زوجتة تدخل علية بيدها اكياس كثيرة من المشتريات
هالة : فى اية يا حبيبى عامل فى الاوضة كده ليه
طلعت : حبيبتى كان هنا فلوس فى الدولاب مشفتيهاش
هالة : اه يا حبيبى شفتها
طلعت : الحمد لله هاتيهم يا حبيبتى
هالة : اجبهم منين ماانا صرفتهم
طلعت : نعم ياختى صرف اية الله يخرب بيتك دى فلوس الجمعية
هالة : وانا كنت هعرف منين انا فكرتك خدت فلوس المكافئة
طلعت : خدك ربنا يا شيخة اعمل اية يناس اشد فى شعرى
هالة : بس فى مشكلة انت اقرع يا حبيبى
طلعت : لا ياشيخة تصدقى اتفجئت بالحكاية دى
هالة : ههههههههههههههههه
طلعت : انتى كمان ليكى عين تهزرى يهانم
: مش هتبطلى مصريف بقى هو انتى اية ناوية تخربى بيتى ولا حد مسلطك علية
هالة وقد ادعت البكاء وتحدثت بصوت ناعم
: ياعينى عالية هو انا كده على طول عمرى ولا مرة عجبتك فى حاجة بعملها
طلعت : عشان تصرفاتك كلها غلط يهانم الست لازم تمشى على كد جوزها
هالة : يعنى انا مش زى سوسو وشوشو ولاد عمى اية ياعنى جبت كام فستان وكام شنطة وكام جزمة
طلعت :بس لا ياشيخة شوية مكملتيش لية
هالة : اصل الفلوس خلصت
طلعت وقد رفع يديه ليضربها فضمت وجهها لحمايتة بيديها ولكنه لم يفعل وتركها وانصرف
: حسبى الله ونعم الوكيل ربنا على القوى قادر يهدك
حاول ان يكتم غيظة وضيقة من تصرفاتها الطائشة ركب الاسانسير متجة الى احد اصدقائة ليعتزر له عن تاخرة عن قسط الجمعية وما انت دخل الاسانسير فرائ صديقه تامر
طلعت : ازيك يا تامر
تامر : مالك يا طلعت فيك اية شكلك كده واخد علقة
طلعت : مش عارف اعمل اية مع مراتى خربة بيتى اول بأول منفضانى خلاص قربت اشحت تصور سرفت فلوس الجمعية على الفساتين والمكياج
تامر : ههههههههههههههههه
طلعت : انت بتضحك الله يسمحك
تامر : معلش سيب فداك المهم انك مبسوط ومرتاح
طلعت : وهى فين الراحة دى كل يوم عازمة اهلها وعملالى حفلة من غير مناسبة لاعارف انام ولا ارتاح فى بيتى ولم اجى اكلمها تعيطلى
تامر : ربنا يكون فى عونك وان كان على الفلوس انا هدهملك ولم تقبض المكافئة ردهم تانى
هم طلعت بعناق تامر وشكره وازهر له امتنانه على وقوفة بجوارة
طلعت : مش عارف اقولك اية الف شكر
تامر : متقولش كده يابنى احنا اخوات
توقف الاسانسير وانصرف كل من طلعت وتامر وذهب كل منهما فى طريقة
وبعد مرور يومين ذهب طلعت لتامر بعد خروجة من العمل ورد الية ماله وشكره ثانية ثم عاد الى المنزل ليتفاجئ بزوجته التى اعدت الكتير من الطعام والشراب الفاخر
جلس طلعت على المائدة وشمر عن ساعديه وثم قال
: الله يخرب بيتك يا بعيد كل ده اكل لية مائدة الرحمن وجابت فلوس منين لاكل ده كله اكيد باعت عفش البيت مش مشكلة انا واقع من الجوع اكل الاول وبعد كدة اتكلم
هالة : استنا انت بتعمل اية
طلعت : بلعب كورة اية البعيدة اتعمت هو انتى مش شايفة باكل
هالة : الاكل ده مش ليك انا عازمة ماما وبابا وسوسو شوشو
طلعت : اه قولتيلى بقى سوسو وشوشو وجبتى فلوس منين
هالة : مجبتش يا حبيبى انا طلبت دليفرى والفاتورة اهى ابقى عدى عليهم ادفعها
تناول طلعت الفاتورة من يد زوجتة وقرأ ما بها ثم شهق شهقة مرتفعة
طلعت : اية ... اية الفين اية
هالة : الفين جنية
طلعت وقد اخد يدور حول المائدة وراء هالة وهو غاضب يكاد الشرار ان يتطاير من عينيه
طلعت : الفين عفريت لم يركبوكى يا بعيدة انا هجبلك منين كل الفلوس دى كل يوم عزايم وخرجات وفسح وساكت صرفتى فلوس الجمعية واقول معلش بكرة تعقل بكرة تفهم ربنا يهدك يا شيخة
اخذ طلعت نفس عميق ثم جلس
طلعت : بقولك اية يا حبيبتى
هالة:اية يا حبيبى
طلعت وقد جلس على الكرسى ووضع رجلة على الاخر بينما يديه خلف راسة
:انتى طالق وخلى سوسو وشوشو ينفعوكى