احساس غبى
========== بقلم عونى هشام
احساس غبى
ياعم قول حاجه والنبى
قوم خد وهات
لو كان فتات
دا انت ياواد ششاطر
وعمرك لولبى
--------
معقوله كل الوقت فات
وانت لازم فى السكات
قول رحت فين
ولسه جاى ف مكتبى
--------
راح تشرب ايه ف المشروبات
الزمان اهو راح وفات
هو احنا خدنا غير فتات
لكن الوظيفه
ماعمر كفت مطلبى
----------
الشغل عندى بالساعات
مقدرش اقول الوقت فات
باجى يوماتى وفيه ضمير
تكونش فاكرنى مغرَبى
--------
كل ورقه بتوقيعات
وكل واحد له لغات
الفكه طبعا شئ بعيد
شوف المجمد مذهبى
----------
احساس غبى
ممكن تقف هنا بالساعات
وتروح وتيجى تقولى هات
يلففوك ويتوهوك
ويدوخوج سبع دخات
واخيرا تيجى لملعبى
---------
وسعت لك انا الطريق
وقلت ياد انت الصديق
معقوله اسيبك وقت ضيق
فتح عينيك شوف مطلبى
----------
الفكه طبعا شئ بعيد
ماهودا طبعى ومش جديد
فتح عينيك
ولا انت ياد بعدك صبى
-------
تسعيرة من 100 وفوق
وطبعا انت جار وزوق
ولبيتى ودى جوز ديوك
شغلك خلاص على مكتبى
--------
العيشه صعبه واعمل ايه
مرتبات فيها كام جنيه
هتكفى ايه كدا ولا ايه
عايزنى اعيش عمرى غبى
------------
اولاد دروسهم شوف بكام
ومواصلات شوف الزحام
وحتى طلبات المدام
عندك حلول قول والنبى
قلت اللى عندى بلاش تقول
تفكير غبى
============
#عونى_هشام
===========
الفكرة من عنوان لأستاذ مصطفى تيسير ( احساس غبى)
