لا تقطفي. .بقلم الشاعر. .صبحي ياسين

مصرى انا وافتخر
بمصريتى يا ذوق
مصرى برغم القرف
و دمى ده المحروق
مصرى وانا مخنوق
ومهما حقى اتلهف
ومهما اكون مسروق
مصرى وليا الشرف
لو تطلع كمان خازوق
مصرى وريشى اتنتف
ورقبتى سدداده
مصرى ومهما اتظرف
خدامها انا وداده
مصرى ومانيش من طرف
ولا حد يا ساده
ومانيش ضيف شرف
ولا  خيال ماته
ولا عمرى منها اتكسف
مهما تكون شحاته
وعابده الفساد عباده
مصرى وتحت العلم
تلاقينى زى الالف
حاضر بقول نعم
وبدمى ختمت الشهاده
مصرى وضهرى انقطم
ومعروفه حدوتى كالعاده
على كتفى بنيت الهرم
فى قصر فرعون سجاده
لكنى مش برمرم
ولا تحت امر السياده
مصرى انايا افندم
مش كوبرى ولا حماده
مصرى واشربها علقم
واطفحها مره ساده
على قلبى زى العسل
والله وزياده
مصرى ومهما حصل
انا خاتم
وخادم صاحبه السعاده