القسوة
القسوة عمرها ما كانت بس ضرب وعنف
ولا كانت حتي كلام جارح وسب وقذف
القسوة انك تهجر قلب حبيبك فجأة وخطف
انك تغدر بيه وتسيبه من غير شفقة وعطف
انك تمشي وتسيب قلبه بيموت من النزف
انك فجأة تقوله احساسي بيك بقي بارد جاف
القسوة لما تضن عليه بمشاعر حب وعطف
لما تهمل شوقه لحضنك ودراعك حواليه يتلف
لما كلامك يبقي معاه جامد من غير نبرة لطف
لما يحس ان مشاعرك نحوه ماتت وبقيت عالرف
القسوة لما يكشف كذبك وانك بتدور عليه وتلف
ويبان أمر خيانتك وان حبك ليه كان لحظة ضعف
القسوة انك تكسر قلب حبيبك ويحس بحبك ليه بيخف
انك تنسي كل مابينكم وان سنين وقعت من عمره ترف
هي دي القسوة حقيقي مش سب وقذف وضرب وعنف
القسوة بجد لما تجرح قلب كان بيحبك ويحس بضعف
كلمات/ أدهم عمر
