الشاعر ابن سليمان الجهيني. سيناء
عاديني مثل ما بدك
وحاول تفسد محبتها
بخاف تنقلب ضدك
إذا حرمتها سعادتها
بالعمر الله يمدك.
ويبعد عنك عداوتها
رحيمه وعطفها ما يصدك
تمنع عنك قساوتها
تنقهر من دمع على خدك
يغار الحساد منها حتى جارتها
فلا تحرمها من عطفك وودك
الهم فوق طاقتها
وما تريد للألم تشدك
مقهوره وكاتمه صرختها
لا تخلي المصايب هي إللي تردك
راعيها ودور علي راحتها
لا تعتبرني عدوك وندك
إن شافت معي جنتها
لا تحبني مثل ما تحبك
أنت القلب وانا أنيس وحدتها
عدوى اللي بكلمه يمسك
أقطع لسانه واحميلك حرمتها
تحرم عليا إذا قربها مني يهدك
وابتعد كأن عيني ما عشقتها
