بيبو
دا أنت الأول ف الترتيب
جوه قلوبنا تعيش يا خطيب
روح رياضية 100 ال 100
ولمسة كوره ب ميت لعيب
الخطيب الله يا سلام
يارب تحفظ و تسلم
المحتاج فالكوره علام
على رجله يبص ويتعلم
الخطيب م الجون للجون
يروى قصة إبداع وفنون
ولا فيه منه 2 ف الكون
والتاريخ يحكي و يتكلم
أسطورة عمره ما يتكرر
بيسحر ف الكورة ويمرر
ويفك اسره و يتحرر
على خصمه دايما بيعلم
عشان جمهوره ده حبيبو
بيرفع راسه ياناس بيبو
وحتى العين لما تصيبه
بيداري ولا عمره أتألم
الله على روحه الرياضة
تشهدلوا الفيفا الدولية
وحتى الأمه العربية
قالت بيبو ده معلم
كلمات
ناصر خليفه
