لا تقطفي. .بقلم الشاعر. .صبحي ياسين

حكاية بنت من الصعيد
★★★★★★
لسه فاكره
أيوه يامه
غصب عنى مش بأنسى
فاكره لما قلبى دق
روحتلك أمشى بخفه
صدتينى بجمله جافه
قبل حتى ما تسمعينى
الحب مش للبنات
روحى عيشى فى سكات
عاوزه أبوكى منى يغضب
ويقولى فسدتى البنات
ولا عوزاه  عليه يثور
وبركانه يهد المكان
**********
صدقينى
جدع زين
راح يجى يدق الباب
انت صابك الجنون
ونسيتى حتى الأصول
ابن عمك مافى غيره
يقدر يدق الببان
بس يامه إسمعينى
قلبى طار من ضلوعى
ورايح لإبن الحلال
قلبك دا قيديه
وإنسى كل الذكريات
*************
لسه فاكره
أيوه يا مه
غصب عنى مش بأنسى
طب قوليلى أنسى إيه
أنسى قلبى ال مات
ولا أنسى دموع عنيه
ال ليلها يامه طال
انسى ان حبى ضاع
وعشت عمرى فى ذكريات
آه يا قلبى ياموجوع
الجهل قتلك من سكات
*********
#سناء_ابوطبل
2016/8/8