لا تقطفي. .بقلم الشاعر. .صبحي ياسين

الحنين خدنى وجابنى
ويا نظره من الحنان
كنا لمه كنا صحبه كنا عيله
رغم كل شىء كئيب
كانت الضحكه
كانت السهره والسلايه
وكان أجملهم حضن امى
كانت رغم كل شىء
عيونها لمه وضمه
لسه فاكره
آه شقاوتى
ومشاكل بجبها لأمى
أيوه منا كنت طفله
لسه فاكره صوت خواتى
والمقالب والتباته
وصوت أبويا زئير يزلزل
قلب امى ويشل حركة خواتى
بس لما يكون رايق
كان أخ ويقعد يدادى
لسه فاكره
فرحة أمى بإبن جالها
بعد فقدان الأمانى
و لا عمرى فى يوم راحه انسى
إنه إبنى مش أخويا
أيوه إبنى مش ربيته على إيدى
لسه فاكره بنات بتضحك
وخطاب داخلين طالعين
أيوه كبرنا خلاص يا أمى
عن بيتنا لازم راحلين
لسه فاكره طلعتى بزفه وناس كتير
وفارحه على الجنبين
لكن دموعى كانت خذلانى
وعيونى بتدور عنك
ما بين الناس الكتير
ولا كان يلزمنى حد
غير وجودك كأى بنت
كان قلبى يا امى كسير
عارفه يا أمى بعدك قررت الرحيل
واتخليت عن السعاده
وسبت نفسى للألام
ويا ألبوم الذكريات
لسه لما بروح فى بيتنا
بستنى أشوفك هناك
إبعتلنا حتى طيفك
يمكن يحسسنا بالآمان
أو حتى حضن دافى
يقول ان الدنيا لسه بخير
عارفه يا أمى
بعدك شلنا هموم كتير
حسينا بصعوبة الدنيا
وقلوب تنكسر ما لها تجبير
وليه عليكى ملامه
كنتى علمينا اللؤم
راح زمان الطيبين
عشتى يا أومى مثاليه
بدون زيف ولا تمثيل
واخدنى الحنين اليكى
ومحتاجه لو يوم يا أمى
من لمه مع خواتى
وإحنا لسه صغيرين
كبرنا يا امى وتغربنا
وعندما نشتاق
يستوجب علينا السفر والترتيب
حنين الى الراحلين
‫#‏سناء_أبوطبل‬
2016/8/4