خلص الكلام بينا واللي كان كمان
واللي عدى من العمر عدى وانتهى الزمان
واللي جاي باديك انت اكتبه غدار وخان
واللي عندي انا هاكتبه الحب عليك هان
كنت ليا اجمل مافيا حبيتك لاقيتك
بقايا انسان
قلبك مات احساسك حجر
خاين مالكش عيشه بين البشر
انت ايه جواك ايه قلب ده والا حجر
ياما كتير حاولت اضحي واغيرك
بس طبعك بيجري في دمك
كله رخيص عندك رخيص ياخساره في نظرك
غالي عندي اللي بسببك انا رخصته
اشتريتك بالغالي وهو خسرته
امشي خلاص مالكش مكان بابك انا قفلته
تندم تعيش مايهمنيش اسمك من جوايا ماسحته
خلاص خلص الكلام وكلامهم فيك صدقته
كتير كدبت نفسي والعمر فيك انا ضيعته
مش ندمانه على اللي راح باحمد ربنا انه راح
واللي جاي بعدك لاحقته
كفايه كده كفايه لملم الاعيبك وابعد عن اللي جرحته
افرح وروح قول قتلته كمان دبحته
بس قبل ماتفوق من كلامك شوف مين بينذف
ومين اللي انت دبحته
قلبك بيضحك وهو جريح زي عصفور في وش الريح ونار ساكنه اجنحته
