أنا الـ فاضل من الـ باقي
والدموع وقت الوداع
ودهشة العين في التلاقى
ورعشة القلب اللي باع
أنا المطروح على الأسفلت
خيال مايل و عكس السير
وأنا المطروح وقد أسلفت
معاد ليكِ خلاص تأثير
تعدى لحظه في الذكرى
يشد الليل في ديل بكره
واموت م الوحده .... والفكرة
بإن الموت غُناه التلقين
نفس طالع وتنهيده بتتوجع
في صدر حزين
نفس تاني
يخش الصدر يتقطع
وقول سامعين
يامضى فـ صدري بتمطع بتفسخ مين
عشقت الورد في خدودك
بينشع نور
جميل
عُودك
يا موعوده
لما..... وعودك ؟
أنا الموعود اموت نوبتين
موته في أول القصة بنظرة عين
وموته في اخر القصة
وبرده أمين
.
#عادل_عوف
