# حافية القدمين #
كتبتلك بحبك جوة جفن العين
وكمان مغطياهم تملى بالرمشين
وكمان على الصوابع
ومعاهم الكفين
يالنتا حتة منى
.
و وشم على الخدين
وكمان نقش حنه
منقوشه على الكعبين
ماشيه ادور عليك
حافية القدمين
لفيت عليك العالم
وربى بيا اللى عالم
ياترى روحت فين
أبقا اتصل بييا
ماانا معايا خطين
خط زيرو عشرة
والتانى زيرو اتنين
نفسى اسمع صوتك
وتقولى كلمتين
الأولى كلمة أنا والتانيةبحبك
أو ابعت ليا مسج
وا كتبهم فى سطرين
#الشاعر_رضا_حسبو
العم رضا حسب النبى
