لا تقطفي. .بقلم الشاعر. .صبحي ياسين

ولسه الجاى مش احلى
يشيل الدعم
ويقول تحلا
دا انا بالدعم مش عايش
والفقر ليه صديق دايم
اجبها يمين
أجبها شمال
محتاجه إعانه ياعبد المتعال
بيقولو عليه مش صابر
وانا فى الغلب أهو قادر
مواطن مصرى من صغرى
عايش ساكت ولا بعارض
لا محتاج كرسى ولا مناصب
ببص بس قدامى
وانا على شغلى اهو ساعى
بشوف الويل وويل الويل
علشان شويه من الملاليم
وانا راضى
لكن تقطع من ذادى
أقولك لأ
حق ولادى
هروح واصرخ لرب كريم
ما انا صوتى خلاص بيضيع
هيشيل الدعم ياربى
وعبادك هيشوفو الويل
نقولو حرام
يقول تدابير
وشؤون دوله محتاجه تدبير
طيب سبنى انا بدعمى
وبص هناك
حيتان كتير
شايفها ولا مش دارى
تبق مصيبه لو عنيك متغمين
وشايف الحوت بقى دولفين
ياصرخة شعب مكتومه
هنجوع بإسم التدابير
2016/8/15