تبعدني ليه
أنت عارف إني قبلك
عمري ما حبيت
وإن حب العمر كله
حبيته ليك
وإن عمري ورد فتح
لما قلبي أنشد ليك
كنت حابب كل كلمه
خارجه م القلب تناديك
كنت اجمل بسمه ليا
لما بالصدفه التقيك
ولا أسمع همسه منك
ولا اشوف نظرة عينيك
ألقي قلبي بنبضه غني
أحلي غنوة عشق ليك
ليه بتبعد عني لما لسه
قايل قلبي ليك
وإني كنت كل عمرك
اللي ما يغلاش عليكى
كنت ليا كل حاجه
كنت ما أحيا إلا بيك
لما تتعب ولا تحزن
اوهب كل وقتي ليك
وابقي دايما واقفة جنبك
نسمه بتضلل عليك
ليه بالرخيص بعتني
وكنت عزه وفخر ليك
ليه تبيع قلبي اللي حبك
وهو بالحب يناجيك
ليه تخون عهد المحبه
وإنت قولت عمري ليك
يا قلبي لو باعك حبيبك
من يا قلبي يشتريك
مين يا قلبي يشتريك
